„ნებისმიერი ჟურნალისტი, რომელიც გულწრფელად გამოვიდა აქციებზე, იმსახურებს პატივისცემას“, - ამის შესახებ ირაკლი კობახიძემ „იმედის ფაქტორში“ განაცხადა. ამასთან, „ქართული ოცნების“ თავმჯდომარის თქმით, აქციის ორგანიზატორ მედია მენეჯერებს „მედიასთან საერთო არაფერი აქვთ“.

„აქ საუბარია კონკრეტულ გვარებზე: ეს არის ჭუტა, ეს არის ნოდარ მელაძე, ეს არის ნიკა გვარამია და ა.შ. ჩვენ ვიცით, რომ მათ არანაირი შეხება არ აქვთ მედიასთან. ისინი არიან რადიკალური პოლიტიკური ანტისახელმწიფოებრივი, ანტისაეკლესიო დაჯგუფებების ლიდერები, რომლებსაც მედიასთან არავითარი კავშირი არ აქვთ. მათ შორის იმის გამო, რომ ისინი არ ემსახურებიან მედიის კლასიკური ფუნქციის რეალიზებას. ისინი მუდმივად ტირაჟირებენ სიცრუეს, რაც არის ზუსტი ანტიპოდი იმის, რასაც უნდა ერქვას მედია. ისინი არიან პოლიტიკურად ანგაჟირებული, კორუმპირებული ადამიანები, რომლებსაც ანტისახელმწიფოებრივი და ანტისაეკლესიო მიზნები აქვთ. მათ არ უყვართ ეს ქვეყანა და ამით არის გამსჭვალული მათი თითოეული ნაბიჯი. ჭუტას, ნოდარს და გვარამიას არც მედიასთან, არც მედიასთან კავშირი არ აქვთ. უნდა გაიმიჯნონ ერთმანეთისგან გულწრფელი ჟურნალისტები და ეს ამორალური ადამიანები, რომლებმაც იცოდნენ რაში იყო საქმე და ამის მიუხედავად გადაწყვიტეს პოლიტიკური ქულები დაეწერათ გარდაცვლილ კოლეგაზე და გარდა ამისა სცადეს არეულობის მოწყობა ქვეყანაში“, - განაცხადა კობახიძემ.

ის ამას „ამორალურ ქმედებად“ აფასებს და აღნიშნავს, რომ ხალხი რუსთაველის გამზირზე სწორედ იმიტომ არ გადის, რომ პროტესტს მის მიერ დასახელებული პირები უდგანან სათავეში. მისივე თქმით, ეს ადამიანები სათანადო პასუხს ოქტომბრის არჩევნებზე მიიღებენ.

„როდესაც 21-ე საუკუნეში, 2021 წელს გამოდის ადამიანი და იმეორებს 1921 წლის ბოლშევიკების სლოგანს „გავკრიჭოთ მღვდლები, სასულიერო პირები და გაუშვათ სახლში, როგორ შეიძლება ასეთმა ადამიანმა და ასეთმა პოლიტიკურმა ძალამ არ მიიღოს პასუხი ოქტომბრის არჩევნებზე? ბოლშევიკებს აუცილებლად გაეცემათ პასუხი 2 ოქტომბერს, როდესაც შედგება არჩევნები და როდესაც საზოგადოება სახლში გაისტუმრებს ყველა ასეთ პოლიტიკურ ძალას“, - აღნიშნა კობახიძემ.

წყარო :