თურქეთი დროებით შეაჩერებს თავის ვალდებულებებს ადამიანის უფლებების ევროპული კონვენციის პრინციპების შესრულებასთან დაკავშირებით,  - ამის შესახებ გამოცემა „Hurriyet" თურქეთის ვიცე-პრემიერ ნუამან ქურთულუმშის განცხადებაზე დაყრდნობით იუწყება.

„საგანგებო მდგომარეობა საფრანგეთმაც გამოაცხადა და მანაც შეაჩერა ადამიანის უფლებების ევროპული კონვენციის მოქმედება. თურქეთში საგანგებო მდგომარეობის გამოცხადება კონვენციის წინააღმდეგ მიმართული არ არის", - განაცხადა ვიცე-პრემიერმა ქურთულმუშმა.

დღეს თურქეთის პრეზსიდენტმა რეჯიპ ტაიპ ერდოღანმა სამთვიანი საგანგებო მდგომარეობა გამოაცხადა. ამასთან ხელისუფლებაში აღნიშნეს, რომ გადაწყვეტილება მოქალაქეების ფუნდამენტური უფლებებისა და თავისუფლების დაცვაზე არ აისახება.