პორტუგალიის ეროვნული ნაკრების კაპიტანმა და მადრიდის „რეალის" თავდამსხმელმა კრიშტიანუ რონალდუმ „ევრო 2016"-ის ჩემპიონატზე მიღებული მთლიანი ჰონორარი - 275 ათასი ევრო - სიმსივნით დაავადებული ბავშვების დასახმარებლად შექმნილ საქველმოქმედო ფონდში გადარიცხა.

31 წლის ფეხბურთელს ქველმოქმედებაში სპორტსმენებს შორის ყველაზე დიდი თანხა აქვს გაღებული - ჯამში, 10 მილიონი ევრო.

 „ევრო 2016"-ის ფინალურ შეხვედრაზე პორტუგალიამ მასპინძელი საფრანგეთი 1:0 დაამარცხა და ჩემპიონი გახდა. თავად კრიშტიანუ რონალდუმ მატჩის 25-ე წუთზე მუხლის ტრავმა მიიღო და მოედანი დატოვა.

რონალდუს 2-ჯერ აქვს მოგებული უეფა-ს ჩემპიონთა ლიგა (2007-2008 და 2013-2014 წლებში) და 3-ჯერ „ოქროს ბურთი"  (2008, 2013 წ, 2014 წლებში).