ევროკავშირის ზრდასრული მოსახლეობის 54.7% სრულად ვაქცინირებულია. შესაბამის მონაცემებს ევროკომისია ავრცელებს.

„დღეის მდგომარეობით, ევროკავშირის ტერიტორიაზე 200 მილიონი ადამიანი სრულად აცრილია, რაც ზრდასრული მოსახლეობის 54.7%-ს შეადგენს“, - განაცხადეს ევროკომისიაში.

ამასთანავე, ევროკავშირის ტერიტორიაზე ვაქცინების, სულ მცირე, ერთი დოზა ზრდასრული მოსახლეობის 68.4%-მა მიიღო.

10 ივლისს ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირს ვაქცინების დოზების საკმარისი რაოდენობა აქვს, რათა ზრდასრული მოსახლეობის არანაკლებ 70% აცრას მიმდინარე თვის განმავლობაში.