„უაღრესი მავნებლობა და გოიმობაა ეს საქციელი და პროფესიულ საქმიანობასთან კავშირი არ აქვს!“ - ასე ეხმაურება საინფორმაციო-ანალიტიკური პორტალის „კვირას“ მთავარი რედაქტორი, ქეთი ხოსიტაშვილი სოციალურ ქსელში, ირაკლი ღარიბაშვილის სახლთან, „ტვ პირველის“ ჟურნალისტის ყოფნას.

„ყველაფერი გავიგე, მაგრამ  ეს არ არის ბავშვებზე ფსიქოლოგიური ძალადობა?

უაღრესი მავნებლობა და გოიმობაა ეს საქციელი და პროფესიულ საქმიანობასთან კავშირი არ აქვს!

პოლიტიკოსები წავლენ და მოვლენ და სადღაც სახე ხომ უნდა შევინარჩუნოთ?

სად ხართ, აბა ბავშვთა უფლებების დამცველები, სახალხო დამცველი...ისევ შერჩევითია თქვენი სამართალი, თუ პოლიტიკოსების შვილები არ არიან ბავშვები და მათზე ძალადობა მოსულა?

რა უღმერთობა გვჭირს.

რაში წერია ეს საქციელი... რაც არ უნდა სამართლიანად გაუბრაზდე კონკრეტულ პოლიტიკოსს,  მისი ოჯახის ბულინგი ნორმალურია? 

ეს უკვე ფსკერია და  წერტილი!“ - წერს ქეთი ხოსიტაშვილი.