“სააკაშვილი ჩემთვის არც 2003 წელს იყო მისაღები, არც - 2000 წელს, არც - 1995 წელს, არც - 1992 წელს!” – ამის შესახებ საზოგადოებრივი მაუწყებლის ბორდის წევრი ბონდო მძინარაშვილი სოციალურ ქსელში წერს.

“ირაკლი ღარიბაშვილი ნაციონალიო?!

სააკაშვილი ჩემთვის არც 2003 წელს იყო მისაღები, არც - 2000 წელს, არც - 1995 წელს, არც - 1992 წელს!

ვიცოდი, რომ ბოროტი სულელი იყო და იმიტომ!

დღესაც ბოროტი და სულელია, ოღონდ ერთი ტიტული დაიმატა - მაწანწალა!

ღარიბაშვილის ნაციონალობა იმ ფონზე, როცა მელია ამბობს, 2014 წლამდე ნაციონალებთან არაფერი მაკავშირებდა და პარტიის წევრიც არ ვიყავიო, - ძალიან სასაცილოა!

ყველაზე საინტერესო კი ის არის, რომ დღევანდელი პრემიერ-მინისტრის კომპრომატად ნაციონალობას წარმოგვიდგენენ... ნაციონალები!

კომპრომატი ყოფილა ის, რაც თვითონ იყვნენ და არიან დღესაც!

აბა, რატომ ხართ?!” – წერს ბონდო მძინარაშვილი.