„დარასელია ძეგლი კომპანია აიას წარმომადგენელმა ზაზა კაკოიშვილმა თავისი ხარჯებით აღადგინა!“, - ამის შესახებ უეფა-ს მედიაოფიცერმა და ფეხბურთის ფედერაციის სტადიონების განყოფილების ხელმძღვანელმა, მამუკა კვარაცხელიამ 23 ივლისს სოციალურ ქსელში დაწერა.

„ხარაგაულში დარასელიას ძეგლის დაზიანება ყველამ განვიცადეთ. დღეს თბილისისკენ მომავალმა ძალიან გავიხარე, როცა ძეგლი აღდგენილი ვნახე - გავიკითხე: ხარაგაულელმა ფეხბურთის მოყვარულმა ხათუნა ჯობაძემ სთხოვა და კომპანია აიას წარმომადგენელმა ზაზა კაკოიშვილმა თავისი ხარჯებით აღადგინა!“, - დაწერა კვარაცხელიამ.

სოფელ უბისასთან ვიტალი დარასელიას ძეგლი ვანდალებმა რამდენიმე თვის წინ დააზიანეს.