შინაგან საქმეთა სამინისტროს მომსახურების სააგენტო მიერ გავრცელებული ინფორმაციის თანახმად, რუსთავის ცენტრალურ ფილიალში 7-დან 15 აგვისტოს ჩათვლით შესაძლებელი იქნება მხოლოდ „B“ კატეგორიის პრაქტიკული გამოცდის ჩაბარება.

„შინაგან საქმეთა სამინისტროს მომსახურების სააგენტო გაცნობებთ, რომ რუსთავის ცენტრალურ დეპარტამენტში იგეგმება საგამოცდო პრაქტიკული მოედნის განახლება, რის გამოც 7 აგვისტოდან 15 აგვისტოს ჩათვლით შესაძლებელი იქნება მხოლოდ „B“ კატეგორიის პრაქტიკული გამოცდის ჩაბარება, ხოლო სხვა დანარჩენი კატეგორიის / ქვეკატეგორიის პრაქტიკული გამოცდის მიღება დროებით შეჩერდება“, - აღნიშნულია განცხადებაში.