ლიტერატურულ კონკურს “ლიტერა”-ს ჟიურის წევრი იოსებ ჭუმბურიძე სოციალურ ქსელში წერს:

„ტვ პირველისა" და ქალბატონი ბუკიას გასაგონად:

1. არასოდეს მითქვამს და დამიწერია, რომ ილიასა და აკაკის პორტრეტები გატანილია მწერალთა სახლიდან;
2. ყოველთვის ვამბობდი და კვლავაც ვიტყვი, რომ ილიასა და აკაკის პორტრეტები გატანილია იმ დარბაზიდან, სადაც ისინი ათეული წლების განმავლობაში ეკიდა და სადაც მათი ადგილია, სადაც შეკრებები ტარდება;
3. ამასაც მუდამ გავიმეორებ: იმ დარბაზიდან ილიასა და აკაკის პორტრეტების გატანა არის მკრეხელობა და დანაშაული.

P.S.

ამ დღეებში კონსტანტინე გამსახურდია- უმცროსმა გაიხსენა ისტორიული ფაქტი, თუ რა მედგარი წინააღმდეგობა გაუწია კონსტანტინე გამსახურდია -უფროსმა ბოლშევიკებს, რომელთაც სწორედ იმ დარბაზის კედლებიდან სწორედ იმ პორტრეტების ჩამოხსნა სურდათ.

იმედია, ჩემს ამ სტატუსს თქვენს გადაცემაში არ წაიკითხავთ“.