ლიტერატურულ კონკურს „ლიტერას“ ჟიურის წევრი, პროფესორი იოსებ ჭუმბურიძე, სოციალურ ქსელში შემდეგ პოსტს აქვეყნებს:

„ჯერ შვილმა მთხოვა.

შემდეგ - მინისტრმა.

არავის უპასუხოო.

ანზორ ერქომაიშვილს კი ერთი წლით ადრე ვყავდი გაფრთხილებული.

ვერც ერთს დავუჯერე, ვერც მეორეს და ვერც მესამეს.

ესენი უპასუხოდ როგორ უნდა დამეტოვებინა?!

***

ისინი ტელევიზიით გლანძღავენ, შენ ფეისბუქით პასუხობო. უთანასწორო ბრძოლაში ხარო, - მწერდნენ.

ნამდვილი გამარჯვება უთანასწორო ბრძოლაში გამარჯვებაა.

დაე, ფეისბუქმა იკითხოს, თუ პოპულარობით ტელევიზიას ჩამორჩება.

ჩამორჩება?

***

თუ ჩამორჩება, რა უნდა ვქნათ?!

ილიას ათას საზიზღრობას რომ აბრალებდნენ, პასუხს თავისი დაარსებული „ივერია" არ უბეჭდავდა.

და თავის ურცხვ ტყუილზე ჩემს სიმართლეს ბუკია  მაყურებელს გააცნობს?!

***

კი მრცხვენია, რომ არც შვილს დავუჯერე, არც მინისტრს და არც ანზორ ერქომაიშვილს.

მრცხვენია, მაგრამ არ ვნანობ.

ამათ უპასუხოდ როგორ დავტოვებდი?!

***

დღეიდან კი სამივეს დავუჯერებ,“ - წერს იოსებ ჭუმბურიძე.