კასპის მუნიციპალიტეტის 17 სოფელში გარეგანათების სისტემებს ამონტაჟებენ. სამუშაოები დაახლოებით 30 უბანში მიმდინარეობს და მისი ღირებულება 100 ათას ლარს აჭარბებს.

კასპის გამგეობაში აცხადებენ, რომ გარეგანათების სისტემები პირველად სოფელ თელიანსა და სასირეთში დამოტაჟდა. დარჩენილი სოფლებში სამუშაოები ოქტომბრამდე დამთავრდება.

„გარეგანათების მოწყობის სამუშაოებს მუნუიციპალიტეტის ყველა სოფელში ვგეგმავთ, შესაბამისად პროექტიც გაგრძელდება, რათა სამუშაოებმა ყველა სოფელი მოიცვას",- განაცხადა კასპის გამგებელმა გოჩა გოჩიტაშვილმა.