ავღანეთში, ქაბულში "თალიბებმა" პრეზიდენტის სასახლე დაიკავეს. ამის შესახებ ინფორმაციას BBC-ი რეპორტიორზე დაყრდნობით წერს.
გამოცემის ჟურნალისტის ინფორმაციით, სასახლის თანამშრომლებს შენობის დატოვება მოსთხოვეს.
შეგახსენებთ, დაჯგუფება „თალიბანის“ წევრებმა ავღანეთის დედაქალაქ ქაბულში შესვლა დაიწყეს. BBC-ის ინფორმაციით, დაჯგუფების წევრები ქალაქში სხვადასხვა მიმართულებიდან შედიან, რომლებსაც სამთავრობო ძალებისგან მხოლოდ მცირე წინააღმდეგობები ხვდებათ. გამოცემა წერს, რომ „თალიბანის“ ლიდერებმა მებრძოლებს ნაკლები ძალადობისკენ მოუწოდეს.