„მსურს, გულწრფელი მადლიერება გამოვხატო უნგრეთის მიმართ, ქაბულიდან საქართველოს ექვსი მოქალაქის ევაკუაციაში აღმოჩენილი დახმარების გამო,“ - ამის შესახებ საქართველოს პრეზიდენტი სალომე ზურაბიშვილი „ტვიტერში“ წერს. პრეზიდენტის განცხადებით, ის დარწმუნებულია, რომ ქაბულში დარჩენილი ქართველები შინ უსაფრთხოდ მალე დაბრუნდებიან.

„ამ სოლიდარობისა და პარტნიორობის გამოჩენა ასეთ რთულ დროს ძალიან მნიშვნელოვანია. დარწმუნებული ვარ, რომ ქაბულში დარჩენილი ქართველები შინ უსაფრთხოდ, მალე დაბრუნდებიან,“- წერს პრეზიდენტი.