„ქართული ოცნების“ აღმასრულებელი მდივანი მამუკა მდინარაძე „სინოფარმის“ ვაქცინით აიცრა.

საქართველოს ეროვნულ უნივერსიტეტში გახსნილ იმუნიზაციის ცენტრში მდინარაძესთან ერთად მისი მეუღლე ნათია კუნჭულიაც აიცრა.

„​თუ ჩემს ძალიან მცირე წვლილს შევიტან იმაში, რომ ვაქცინაციის ცენტრების პოპულარიზაცია მოხდეს, და ადამიანებს დავარწმუნებ, რომ რაც შეიძლება მეტნი უნდა აიცრან, ეს მხოლოდ კარგი იქნება. ამით უამრავი ადამიანის სიცოცხლეს გადავარჩენთ“, - განაცხადა მდინარაძემ.