გაერო-მ ავღანეთიდან თანამშრომლების ევაკუაცია დაიწყო. გაერთიანებული ერების ორგანიზაციის პრესსპიკერის თქმით, ისინი მუშაობას ყაზახეთიდან გააგრძელებენ. საუბარია 100-მდე უცხოელზე, რომელთა გაყვანა ავღანეთიდან დაწყებულია.

ამასთან, გაერო-ში აცხადებენ, რომ მზად არიან, დაეხმარონ ავღანელ ხალხს, როდესაც მათ ეს სჭირდებათ.

„ეს დროებითი გადაწყვეტილებაა. ეს ნაბიჯი მიმართულია ავღანელი ხალხისთვის დახმარების შეუფერხებლად მიწოდებისა და ამავდროულად, გაერო-ს პერსონალის წინაშე არსებული საფრთხის შესამცირებლად“, – განაცხადა გაერო-ს პრესსპიკერმა.

გაერო-ს ავღანეთში 300 უცხოელი და 3 000 ადგილობრივი თანამშრომელი ჰყავს.

წყარო :