პუბლიცისტი ვასილ მაღლაფერიძე ქართველი ოლიმპიელებისთვის შეკერილ ფორმებთან დაკავშირებით ატეხილ აჟიოტაჟს სოციალური ქსელში ეხმიანება.

„უკვე ხომ შევთანხმდით, რომ ფორმა არ მოგვეწონა, ერთხელ ვთქვით, ორჯერ ვთქვით, ათჯერ ვთქვით, ყველანი შევჯერდით და დავიწუნეთ!

 აწი იმაზეც ვიფიქროთ, რომ ხასიათს ნუ გავუფუჭებთ და მთლად საპანაშვიდო განწყობით ნუ გავუშვებთ ჩვენს ოლიმპიელებს, რომლებისგანაც გამარჯვებებს ველით. მათ ხომ არაფერი დაუშავებიათ.

ამდენი ოლიმპიელი, ოცდაცხრამეტი, არასდროს ჰყოლია დამოუკიდებელ საქართველოს და იმედია, შედეგიც შესაბამისი იქნება!

რაც მოხდა, მოხდა, აწი სპორტზე და გამარჯვებაზე ვიფიქროთ!" - წერს მაღლაფერიძე.