logo_geo
eng_logo
ემანუელ მაკრონი: ჩვენ დავრჩებით ერაყში ტერორიზმის წინააღმდეგ საბრძოლველად
- +

30 აგვისტო. 2021. 01:58

 

 

„მნიშვნელობა არ აქვს, რა არჩევანს გააკეთებენ ამერიკელები, ჩვენ დავრჩებით ერაყში ტერორიზმის წინააღმდეგ საბრძოლველად“, – ამის შესახებ საფრანგეთის პრეზიდენტმა, ემანუელ მაკრონმა ერაყში ვიზიტის დროს განაცხადა.

 

საფრანგეთის პრეზიდენტის თქმით, ერაყსა და სირიაში „ისლამური სახელმწიფოს“ საქმიანობის განახლების საგანგაშო ნიშნები ჩანს.

 

„ერაყისა და ქურთისტანის მომავალი, რომელიც მისი ნაწილია, რეგიონის, ევროპის, საფრანგეთის უსაფრთხოება დამოკიდებულია ამ ბრძოლის შედეგზე“, – თქვა მაკრონმა.

 

საფრანგეთის პრეზიდენტი ომისგან დაზარალებულ ქალაქ მოსულში ჩავიდა, სადაც ქრისტიანული ტაძარი და ალ-ნურის აღდგენილი მეჩეთი მოინახულა. ემანუელ მაკრონმა ერაყის რელიგიურ საზოგადოებებს მოუწოდა, ქვეყნის აღსადგენად ერთად იმუშაონ.

 

მაკრონმა მოსულში საფრანგეთის საკონსულოს და ფრანგული სკოლების დაბრუნების პირობა დადო.

 

 

წყარო : wyaro
right_banner right_banner
არქივი
right_banner