ირაკლი კობახიძის თქმით, გიორგი გახარიას კახა კალაძესთან შეხვედრის რეალური მიზანი გაუგებარი დარჩა. ამ თემაზე „ქართული ოცნების“ თავმჯდომარემ „ქრონიკაში“ ისაუბრა და აღნიშნა, რომ გახარიასთვის არჩევნებში მონაწილეობა წინასწარ წაგებული თამაშია.

„კახა კალაძემ დაუსვა კითხვა, ჩვენ ყველას გვაინტერესებდა ეს, რატომ შევიდა წინასწარ წაგებულ თამაშში. აქ იგულისხმება არა მხოლოდ მისი კანდიდატობა თბილისის არჩევნებში, არამედ პარტიული კუთხით მისი შემოსვლა ამ არჩევნებში. წინასწარ წაგებულია ეს თამაში. სულ რომ აიღოს 4-6% ამ არჩევნებში, მაქსიმუმ გაჰყავს ქვეყნის მასშტაბით 20 კაცი სხვადასხვა საკრებულოში. ეს ხომ წაგებულ თამაშში შემოსვლაა. მით უმეტეს, თბილისის არჩევნებში, როდესაც წინასწარ იცი, რომ მესამე ადგილისთვის ხარ განწირული. ეს ხომ არის წაგებულ თამაშში შემოსვლა. როდესაც ეს კითხვები დაუსვა მას კახა კალაძემ, ვერცერთი პასუხი ვერ მიიღო. აქედან გამომდინარე, ძალიან ნათლად ჩანს ის, რასაც ვამბობდით ამ დროის განმავლობაში - მისი დამოუკიდებლობის ხარისხი ამ პროცესში არის ნულის ტოლი. ის მოქმედებს რაღაცების კარნახით“, - განაცხადა კობახიძემ.

წყარო :