ტერორისტული დაჯგუფება „ისლამური სახელმწიფო" რუსეთს ტერაქტებით ემუქრება. ახალ ვიდეო-მიმართვაში, სადაც „ბოევიკები" რუსულ ენაზე საუბრობენ, ნაჩვენებია დაღესტანში თვითმკვლელი ტერორისტის მიერ მანქანის აფეთქების კადრები, რის შედეგადაც ორი პოლიციელი დაიღუპა.

„ბოევიკები" აცხადებენ, რომ ისინი „ისლამური სახელმწიფოს" ლიდერის, აბუ ბაქრ ალ-ბაღდადის მებრძოლები არიან. ამავე ვიდეოში ასევე ასახულია რუსეთის სპეცსამსახურების აგენტის სიკვდილით დასჯაც.