„მიხეილ სააკაშვილს არ აქვს სათანადო გამბედაობა, რომ გადაწყვეტილება მიიღოს, თორემ ჩამოსვლას წინ რა უდგას“, – ამის შესახებ პარლამენტის თავმჯდომარის მოადგილემ, არჩილ თალაკვაძემ საქართველოს პირველი არხის გადაცემაში „დღის თემა“ განაცხადა.

„ყოველწლიურად, საქართველოში მილიონობით ადამიანი ჩამოდის და მიხეილ სააკაშვილი ვერ ჩამოვიდა. ეს ერთადერთზე მიუთითებს, რომ მას არ აქვს სათანადო გამბედაობა და პოლიტიკური ლიდერობა, რომ სათანადო გადაწყვეტილება მიიღოს, თორემ ჩამოსვლას წინ რა უდგას?! ამის ყველა საშუალება არსებობს დღევანდელ მსოფლიოში. უბრალოდ, ეს გახლავთ ადამიანი, რომელიც თავის გუნდს, მხარდამჭერებს ატყუებს და ყოველწლიურად, ყოველი არჩევნების წინ აკეთებს ასეთ ანონსს“, – განაცხადა თალაკვაძემ.

გადაცემის წამყვანის შეკითხვაზე, როგორ აღიქვა „ქართულმა ოცნებამ“ მიხეილ სააკაშვილის გზავნილი, რომ თუ დააკავებენ, არ ეშინია, რადგან სჯერა, რომ ხალხი გაათავისუფლებს და თუ ხელისუფლება ძალადობაზე გადავა, ხელიც უნდა შეუბრუნონ, არჩილ თალაკვაძემ განაცხადა, რომ ხალხმა მიხეილ სააკაშვილი 2012 წელს გაათავისუფლა და ის მას შემდეგ გათავისუფლებულია.

„რაც შეეხება ხელის შებრუნებას, ის არის რადიკალური პოლიტიკური ძალის ლიდერი და რა თქმა უნდა, ხელის შებრუნებასაც არ მოერიდება. ის არ მოერიდება დესტაბილიზაციას. მაშ, საქართველოს პარლამენტზე თავდასხმა რა იყო?! ეს ხელის გარტყმა იყო საკუთარი სახელმწიფოსთვის, საკუთარი ქვეყნის პოლიციელებისთვის და ვინმეს ეჭვი ეპარება, რომ თუ ამის საშუალება ექნება, რა თქმა უნდა, ხელსაც შეაბრუნებს და ხელსაც გაარტყამს, ნებისმიერს?!“, – განაცხადა თალაკვაძემ.

წყარო :