განსახლებისა და ლტოლვილთა მინისტრმა სოზარ სუბარმა საკონსტიტუციო სასამართლოს მიერ გაკეთებულ განცხადებაზე კომენტარი გააკეთა. სუბარის თქმით, ფაქტების არსებობის შემთხვევაში გიორგი პაპუაშვილმა გამოძიებას მასალები უნდა მიაწოდოს.

„თუ რამე ზეწოლა ხდება, რამდენადაც ვიცი, პრემიერი ელაპარაკა, მოწოდება არის პროკურატურიდან, რომ პროკურატურას მასალები მიაწოდოს, ყველაფერი იქნება გამოძიებული.

 საკონსტიტუციო სასამართლოს თავმჯდომარეზე უკეთ არავინ უნდა იცოდეს, რომ მსგავსი საკითხები არა საჯარო განცხადებებით წყდება, არამედ გამოძიების გზით", - განაცხადა სოზარ სუბარმა.