სააგენტო Reuters-ს ცნობით, თურქეთში სამხედრო გადატრიალების მცდელობის შემდეგ ავიაკომპანია  „Turkish Airlines"-დან 100-ზე მეტი თანამშრომელი გაათავისუფლეს.

როგორც სააგენტო იტყობინება, ავიაკომპანიიდან თანამშრომლები 24 ივლისს დაითხოვეს. გავრცელებული ინფორმაციით, გათავისუფლებულ პირებს შორის ავიაკომპანიის ხელმძღვანელობის წარმომადგენლები არიან.

„Turkish Airlines"-ში ამ საკითხთან დაკავშირებით კომენტარი არ გაუკეთებიათ.

თურქეთში სამხედრო გადატრიალების მცდელობა 16 ივლისს ღამით განხორციელდა. გადატრიალების მცდელობას 246 ადამიანი ემსხვერპლა.

სახელმწიფო გადატრიალების მცდელობის შემდეგ ქვეყანაში 60 ათასამდე ადამიანი დააკავეს ან სამსახურიდან გაათავისუფლეს.

წყარო :