„ამ თითქოსდა მოსმენების თემით უნდათ, წინასაარჩევნოდ იმ სადისტური მმართველობის პერიოდის მთელი რიგი ეპიზოდების საპირწონე შექმნან“, – ამის შესახებ საქართველოს პარლამენტის პირველმა ვიცე-სპიკერმა, გიორგი ვოლსკიმ საქართველოს პირველი არხის გადაცემაში „დღის თემა“ განაცხადა.

„ჯერ ერთი, როგორ უნდა გამოიძიო ფურცელზე დაბეჭდილი დიალოგის ავთენტურობა? ეს ადამიანები არიან პროფესიონალები ნამდვილ მოსმენაშიც, ფალსიფიცირებული, ყალბი მოსმენების ფაილების შედგენაშიც და საერთოდ, რასაც ჰქვია ადამიანის დევნა, მისი უფლებების დარღვევა, ღირსების, ჯანმრთელობისა და სიცოცხლის წართმევა. პროფესიონალები შეიკრიბნენ დღეს და გვამუნათებენ, თითქოს, ისეთი რაღაც ხდება, რაც საზოგადოების ინტერესებს უპირისპირდება“, – განაცხადა ვოლსკიმ.

წყარო :