„ავღანეთში - ჯალალაბადსა და ქაბულში მომხდარ აფეთქებათა სერიას, სულ მცირე, 7 ადამიანის სიცოცხლე ემსხვერპლა“, - ამის შესახებ Al Jazeera წერს.

დაშავებულია 30-მდე ადამიანი. „თალიბანი“ აცხადებს, რომ მომხდარზე გამოძიება დაიწყეს.

არსებული ინფორმაციით, რამდენიმე ადგილას, ერაყისა და ლევანტის ისლამური სახელმწიფოს მიერ დამონტაჟებული ასაფეთქებელი მოწყობილობები აფეთქდა. დაშავებულთა შორის ქალები და ბავშვებიც არიან.