სომალის დედაქალაქ მოგადიშოში, აეროპორტის მიმდებარე ტერიტორიაზე აფეთქებების ხმა ისმოდა.

სააგენტო Reuters-ის ცნობით, ერთ-ერთი აფეთქება თვითმკვლელმა ტერორისტმა განახორციელა. Reuters-ის ინფორმაციით, თავდამსხმელმა აფრიკული კავშირის მშვიდობისმყოფელების ბაზის მახლობლად აიფეთქა თავი. დაღუპულია სულ მცირე 7 ადამიანი.

სომალიში ძირითადად ექსტრემისტული დაჯგუფება „ალ-შაბააბის" მებრძოლები მოქმედებდნენ.

ივნისის ბოლოს ისლამისტები მოგადიშოს მახლობლად მდებარე სასტუმროს დაესხნენ თავს, რასაც 14 ადამიანის სიცოცხლე ემსხვერპლა.