„რუსეთი კატეგორიულად ეწინააღმდეგება თურქეთის პოზიციას ყირიმთან მიმართებაში“, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

კრემლის წარმომადგენლის თქმით, მოსკოვმა კარგად იცის თურქეთის პოზიციის შესახებ და მას არ ეთანხმება.

„რა თქმა უნდა, ჩვენ თავს განვიხილავთ ამ შენიშვნების ადრესატებად; ჩვენ ასე აღვიქვამთ მათ. ჩვენ, ბუნებრივად, ვწუხვართ, რომ ასეთი განცხადებები კეთდება ახლა, თურქეთის პრეზიდენტის რუსეთის ფედერაციაში ვიზიტისთვის მზადების დროს“, – აღნიშნა პესკოვმა.

21 სექტემბერს თურქეთის პრეზიდენტმა, რეჯეფ თაიფ ერდოღანმა გაერო-ს გენერალური ასამბლეის სესიაზე სიტყვით გამოსვლისას თქვა, რომ ანკარა არ აღიარებს რუსეთს მიერ ყირიმის ანექსიას.

წყარო :