ევროპული საბჭოს პრეზიდენტმა, შარლ მიშელმა ე.წ. კოსოვოსა და სერბეთს შორის არსებული დაძაბულობის მონაწილე მხარეებს მოუწოდა, მიიღონ შესაბამისი ზომები სიტუაციის დეესკალაციისთვის და ევროკავშირის ეგიდით მოლაპარაკებებზე დათანხმდნენ.

„აუცილებელია, პოლიციის სპეციალური ძალების გაყვანა და ბარიკადების დაშლა, ასევე დიალოგის გაგრძელება ბელგრადსა და პრიშტინას შორის ევროკავშირის სპეციალური წარმომადგენლის, მიროსლავ ლაიჩაკის წინადადების შესაბამისად“, – დაწერა მიშელმა „ტვიტერზე“.