„ჩვენი მოლოდინები აბსოლუტურად პოზიტიურია. ყველა კანდიდატს გვქონდა საშუალება, კახა კალაძესთან ერთად, ჩაგვეტარებინა ბევრი შეხვედრა მოქალაქეებთან და განწყობები აბსოლუტურად პოზიტიურია. ადამიანები ხედავენ უამრავ გაკეთებულ საქმეს. გამარჯვებაზე საუბრის საფუძველს გვაძლევს ის, რომ დღეს დედაქალაქში უამრავი რამ არის გაკეთებული. სწორედ ეს იქნება იმის გარანტია, რომ მოქალაქეები მივლენ საარჩევნო უბნებზე და გააკეთებენ აბსოლუტურად სწორ არჩევანს. ისინი დაუჭერენ მხარს მეტ სიცოცხლეს ყველა უბანში“, - ამის შესახებ „ქართული ოცნების“ მთაწმინდის მაჟორიტარი დეპუტატობის კანდიდატმა ზურაბ აბაშიძემ „ქრონიკაში“ განაცხადა.

„საბოლოო კვლევა მაინც 2 ოქტომბერი იქნება, როდესაც ჩვენი მოქალაქეები მივლენ და გააკეთებენ არჩევანს. ოპონენტების მხრიდან ჩვენ მხოლოდ ეფემერულ რეფერენდუმზე საუბარი და რეალურად ვერ ვხედავთ იმ რესურსს, რომ „ქართულ ოცნებას“ რაიმე პრობლემა შეექმნას. ხელწერა რჩება იგივე, მხოლოდ დესტრუქცია, არეულობის შემოტანა, რაც განწირულია წარუმატებლობისთვის. ეს ყველაფერი ჩვენ ნანახი გვაქვს, საზოგადოება პრაქტიკულად მიჩვეულია, რომ ოპონენტები ასე პოზიციონირებენ. მინდა კიდევ ერთხელ მოვუწოდო ყველა ჩვენს მხარდამჭერს იაქტიურონ, მივიდნენ არჩევნებზე და გააკეთონ ის არჩევანი, რომელიც მეტ სიკეთესა და მეტ განვითარებას მოუტანს ჩვენს ქვეყანას“, - განაცხადა ზურაბ აბაშიძემ.

წყარო :