პარლამენტის ადამიანის უფლებათა დაცვის კომიტეტის თავმჯდომარის, მიხეილ სარჯველაძის განცხადებით, უცხოური ავტორიტეტული ორგანიზაციების მიერ გამოგზავნილი დამკვირვებლების დასკვნებს ძალიან დიდი მნიშვნელობა ექნება.

„როდესაც გაქვს დესტრუქციაზე ორიენტირებული ოპოზიცია, რომელიც მუდმივად ცდილობს, პროცესები როგორმე არიოს, არ ენდოს სამართლებრივ პროცედურებს, ამ ფონზე ავტორიტეტული დაწესებულებების შემფასებლების დასწრება და არჩევნების შეფასება საკმაოდ მნიშვნელოვანი იქნება“, - განაცხადა სარჯველაძემ.