„ყოველი არჩევნები არის დემოკრატიის გამოცდა“, - ამის შესახებ უნგრეთის საპარლამენტო ასამბლეის წევრმა, ბარნა პალ ზიგმონდმა განაცხადა, რომელიც საქართველოში არჩევნების მიმდინარეობას აკვირდება. მან საქართველოს უსურვა, რომ პროცესი გამჭვირვალე იყოს.

„ჩვენ ახლა ვაკვირდებით ახალი სისტემით მიმდინარე პროცესს - მიმდინარეობს თუ არა სწორად - რომელიც გამოყენებული იქნება სამომავლოდ. მნიშვნელოვანია, საარჩევნო დღემ პროვოკაციების გარეშე ჩაიაროს, რათა ჩატარდეს გამჭვირვალე არჩევნები და ხალხმა აირჩიოს მერები, რომლებიც მომავალი წლების განმავლობაში მათი წარმომადგენლები იქნებიან. ეს ძალიან მნიშვნელოვანია, რადგან ჩვენ მხარს ვუჭერთ საქართველოს ინტეგრაციას ევროპულ და ევროატლანტიკურ სტრუქტურებში“, - განცხადა ბარნა პალ ზიგმონდმა.