„თუ სადმე ვინმეს პრეტენზია ან საჩივარი აქვს, უნდა იყოს დასაბუთებული, გამართული, გამჭვირვალე და კომპეტენტური, ადმინისტრაციული სამართალწარმოების ფარგლებში. სხვაგვარად, ფეხების ბაკუნით, შედეგი არ მიიღწევა“, - ამის შესახებ ორგანიზაცია „ჯეოქეისის“ თანათავმჯდომარემ ვიქტორ ყიფიანმა „იმედის“ ეთერში, თვითმმართველობის არჩევნებზე საუბრისას განაცხადა.

მისი თქმით, ოპოზიციის კონსტრუქციულობასთან დაკავშირებით, ოპტიმისტური მოლოდინი არ აქვს.

„ძალიან მაფიქრებდა, რომ არჩევნების დაწყებამდე, უპირობოდ აცხადებდნენ, რომ გაიმარჯვეს. ამიტომ, საჭიროა, ვიქონიოთ მოზომილი ოპტიმიზმი, რომ სიმწიფე გამოვლინდება. თუ ვინმეს არ აქვს უნარი, სურვილი, ან პასუხისმგებლობის დონე, აგერ არის ხე-ტყე, ოღონდ, ჩვენთან კი არა, ამაზონის ტყეებში შეუძლია, გამოხატოს თავისი ბოგინი და პროტესტი“, - აღნიშნავს ვიქტორ ყიფიანი.