გერმანია და საფრანგეთი პოლონეთს მოუწოდებენ, ევროკავშირის წესები სრულად და უპირობოდ დაიცვას. ამის შესახებ გერმანიისა და საფრანგეთის საგარეო საქმეთა მინისტრების ერთობლივ განცხადებაშია ნათქვამი.
„შეგახსენებთ, რომ ევროკავშირის წევრობას თან ახლავს საერთო ღირებულებებისა და წესების სრული და უპირობო დაცვა. თითოეულ წევრს და, რა თქმა უნდა, პოლონეთს, რომელსაც ევროკავშირში მნიშვნელოვანი ადგილი უკავია, ამ წესებისა და ღირებულებების პატივისცემა ეკისრება. ეს არ არის უბრალოდ მორალური ვალდებულება. ეს ასევე იურიდიული ვალდებულებაა“, - ნათქვამია განცხადებაში.