„საქართველოს წყალმომარაგების კომპანიის“ მიერ,  კასპის მუნიციპალიტეტის ორ  სოფელში - ხიდისყურსა და საქადაგიანოში სტაბილური წყალმომარაგების სამუშაოები აქტიურად მიმდინარეობს.

პროექტის ფარგლებში შენდება რეზერვუარები, ეწყობა წყლის სათავე ნაგებობები,  სატუმბი სადგურები და წყალმომარაგების ქსელი. 

მოსახლეობის გამრიცხველიანების შემდეგ 2 000-მდე ადგილობრივი მოსახლე უწყვეტი წყალმომარაგებით ისარგებლებს.

სამუშაოს, რომელიც შპს „ჰიდროტექნოლოგიური ჯგუფი“ ახორციელებს დასრულდება 2022 წლის გაზაფხულისთვის.

პროექტი სახელმწიფო ბიუჯეტიდან ფინანსდება და მასზე 2,6 მილიონ ლარზე მეტი დაიხარჯება.