ბათუმის ბულვარში შემოდგომა-ზამთრის სეზონურად მოყვავილე ერთწლოვანი  ყვავილების დარგვა დაიწყო.  მებაღეების მიერ საყვავილე კლუმბებსა და მწვანე სივრცეებში 180 ათასი ძირი  პრიმულას, ვიოლას, მიხაკის ახალი ნარგავები ირგვება.

დარგვით სამუშაოებამდე, საყვავილე კლუმბებს მოსამზადებელი სამუშაოები ჩაუტარდა.  მოხდა ნიადაგის დამუშავება, გაფხვიერება და სარეველებისგან გაწმენდა. გამწვანებითი ღონისძიებების პარალელურად გასხვლა-ფორმირება, გაზონების გაცელვა, ორგანული სასუქის შეტანა და ხე-მცენარეების  ჭიგოებზე აკვრა-შეფუთვის სამუშაოები მიმდინარეობს. აღსანიშნავია, რომ მიმდინარე წელს, ბულვარის მცენარეთა საფარს ახალი კომპოზიციებით შექმნილი საყვავილეები, ტკოპიკული სკვერი და 2000 ძირზე მეტი მრავალწლოვანი ხე-მცენარე შეემატა.