შინაგან საქმეთა მინისტრი, ვახტანგ გომელაური სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს (INL) ახალ ხელმძღვანელს სარა რუპერტსა და საქართველოში აშშ-ის საელჩოს იურიდიულ საკითხებში მრჩეველს ლანა მორტონ ოუენსის შეხვდა.

სამინისტროს ინფორმაციით, შეხვედრა გაცნობითი ხასიათის იყო. მხარეებმა განიხილეს საქართველოს შინაგან საქმეთა სამინისტროსა და სახელმწიფო ანტინარკოტიკული და სამართალდამცავ ორგანოებთან ურთიერთობების საერთაშორისო ბიუროს შორის არსებული თანამშრომლობა და მიღწეული შედეგები, ასევე, განსაზღვრეს სამომავლო გეგმები და პრიორიტეტული მიმართულებები. შეხვედრის დასასრულს, ვახტანგ გომელაურმა INL-ის ხელმძღვანელს შინაგან

საქმეთა სამინისტროს შესაძლებლობების გაძლიერებისთვის მადლობა გადაუხადა და წარმატებები უსურვა.

ამერიკის შეერთებული შტატების სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიურო (INL) საქართველოს შინაგან საქმეთა სამინისტროსთან წლებია თანამშრომლობს კიბერდანაშაულის, ოჯახში ძალადობის, ტრეფიკინგის, ტაქტიკური მომზადების, არასრულწლოვანთა დანაშაულის პრევენციის, საგზაო

მოძრაობის უსაფრთხოებისა და სხვა მიმართულებებით.