„უნიათოებს გვეძახიან და თან თურმე „ქართული ოცნება“ IPSOS-თან ალაგებს ურთიერთობებს. ამ სისულელეებს რომ ლაპარაკობენ, ცოტა უნდა დაფიქრდნენ, როგორ იღებს საზოგადოება ამას“, - ამის შესახებ ტელეკომპანია „იმედის“ გადაცემაში „არჩევნები 2021“ „ქართული ოცნების“ აღმასრულებელმა მდივანმა მამუკა მდინარაძემ განაცხადა.

„​დღეს ხომ თქვეს, რომ ეგზიტპოლებს აღარ ატარებენ. ველზე მომუშავე ადამიანებს, რომლებიც ადგილზე, უბნებზე სვამდნენ კითხვებს, ახლა ახალი დავალება აქვთ - არ დაიშალოთ, მზად იყავით, იქნებ სხვა კომპანიის სახელით ჩატარდეს ეგზიტპოლი. თუ ეს ინფორმაცია სიმართლე აღმოჩნდება, რომ ხვალ სხვა კომპანია ჩაატარებს ეგზიტპოლს, ეს იქნება ახალი სკანდალი. სჯობს, ერთ რამეზე ჩამოყალიბდნენ - უნიათოებს გვეძახიან და თან თურმე „ქართული ოცნება“ IPSOS-თან ალაგებს ურთიერთობებს. ამ სისულელეებს რომ ლაპარაკობენ, ცოტა უნდა დაფიქრდნენ, როგორ იღებს საზოგადოება ამას. ტყუილი არის ტყუილი, ისინი გაიშიფრნენ და ახლა უნდა დაწყნარდნენ“, - აცხადებს მდინარაძე.