„სიტყვას ვაძლევ თბილისელებს, რომ მომდევნო 4 წლის განმავლობაში ამ ქალაქში განხორციელდება მასშტაბური პროექტები“,- ამის შესახებ თბილისის მოქმედმა მერმა, კახა კალაძემ „ქართული ოცნების“ სათაო ოფისში გამართულ ბრიფინგზე განაცხადა.

განსაკუთრებული ყურადღება დაეთმობა ჯანდაცვას, სოციალურ მიმართულებას და ის, რაზეც არჩევნების წინ ვსაუბრობდი, ყველა პროექტები განხორციელდება. დღეს ამ ქალაქს ყველაზე მეტად სჭირდება, ეს არის აღმშენებლობა, განვითარება, სიმშვიდე და სტაბილურობა. ჩვენ ვართ ის გუნდი, რომელიც ამ ყველაფერს გააკეთებს. ადამიანურ სიტყვას გაძლევთ, ყველაფერს გავაკეთებ იმისთვის, რომ 24-საათიან რეჟიმში ღირსეულად ვემსახურო თბილისსა და თბილისელებს“, - განაცხადა კახა კალაძემ.