„ნაციონალური მოძრაობა“ უნდა შეეგუოს შედეგებს და აღიაროს ჩვენი გამარჯვება, ბათუმის 80-მდე უბანი გვაქვს დათვლილი და ჩვენი კანდიდატი 1 700-დან 2 000-მდე ხმით უსწრებს „ნაციონალური მოძრაობის“ კანდიდატს“, – განაცხადა „ქართული ოცნების“ ბათუმის საარჩევნო შტაბში გამართულ ბრიფინგზე უმაღლესი საბჭოს დეპუტატმა ირაკლი ჭეიშვილმა.

მისივე თქმით, უკვე დანამდვილებით შეიძლება ითქვას, რომ ბათუმის მერი „ქართული ოცნების“ კანდიდატი არჩილ ჩიქოვანი იქნება.