„აქციას გამართავენ თუ არა, ეს მათი უფლებაა", - ასე უპასუხა დედაქალაქის მერმა, კახა კალაძემ მედიის მიერ დასმულ შეკითხვას, ოპოზიციის მიერ დაანონსებული აქციის თაობაზე.

„ოპოზიციას აქვს აქციის ჩატარების უფლება, მთავარია, ეს კანონის ფარგლებში განხორციელდეს. რაც შეეხება ჩემს დამოკიდებულებას, მე ვაპირებ, მათ  საქმით და კონკრეტული პროექტებით დავუპირისპირდე. ასე ვიმუშავებ მომდევნო ოთხი წლის განმავლობაში“, - განაცხადა კახა კალაძემ.