„სინამდვილეში, ჩვენ რასაც ვხედავთ, ეს არის დემოკრატიის უარყოფა - თავის არსში არიან ანტიდემოკრატიული, რაც იწყება ხალხის არჩევანის არაღიარებით“, - ამის შესახებ „ქართული ოცნების“ საზოგადოებასთან ურთიერთობის მდივანმა, შალვა პაპუაშვილმა „ნაციონალურ მოძრაობაზე“ საუბრისას განაცხადა.

„ეს არის მთავარი იდეოლოგიური პრობლემა, რომელიც ამ პარტიას აქვს. მათ მიაჩნიათ, რომ ისინი არიან ყველაზე კარგი მმართველები და იმსახურებენ მმართველობას, თუმცა ვერ ხვდებიან, რომ ეს მანდატი მათ ხალხმა უნდა მიანიჭოს. როდესაც ხალხი მათ ამ მანდატს არ აძლევენ, ისინი ბრაზდებიან ხალხზე“, - განაცხადა პაპუაშვილმა.