საქართველოს ქართული ჭიდაობის ეროვნულმა ფედერაციამ კასპის საჭიდაო დარბაზში იოსებ მაღალაშვილის სახელობის რესპუბლიკური ტურნირი ჩაატარა. ტურნირი გაიმართა 2003 და 2005 წლებში დაბადებულთა შორის.

წონითი კატეგორიების მიხედვით კასპიდან პრიზიორები გახდნენ: ლევან მამულაშვილი (I ადგილი), ალეკო ხიზამბარელი და ვალერი იარღანაშვილი (II ადგილი), გიორგი ხიზამბარელი, ნუგზარ გელხაური და თორნიკე გორჯოლაძე (III ადგილი).

ტურნირს ესწრებოდა საერთაშორისო კლასის სპორტის ოსტატი, მსოფლიო ჩემპიონი ჭიდაობა სამბოში იოსებ მაღალაშვილი, საქართველოს ქართული ჭიდაობის ეროვნული ფედერაციის პრეზიდენტი გელა ბერუაშვილი, კასპის მუნიციპალიტეტის მერი ვახტანგ მაისურაძე, საქართველოს ქართული ჭიდაობის ეროვნული ფედერაციის პირველი ვიცე-პრეზიდენტი ოთარ ყურაშვილი.