„ნიკა გვარამიას მოდელირებული "რეალობა" საზოგადოებაში შექმნას ნაწამები, თმითნათრევი, დაუძლურებული მიხეილ სააკაშვილის „ხატი“ მისაღებია მათთვის, ვინც მხოლოდ მათ ხედავს, მათ უსმენს და ეს დადგმული აზრობრივი სპექტაკლი მოსწონს. სინამდვილეში კი უკვე მოგახსენეთ და გავრცელებული კადრებიდანაც ნახავდით რა და როგორაა“, - ასე ეხმიანება საჯარო მმართველობის დოქტორი თამთა მეგრელიშვილი სპეციალური პენიტენციური სამსახურის მიერ, პატიმარი მიხეილ სააკაშვილის №18 ბრალდებულთა და მსჯავრდებულთა სამკურნალო დაწესებულებაში შესახლების კადრების გავრცელებას, სადაც ჩანს, რომ პატიმარი სააკაშვილი დაწესებულების თანამშრომლებს ფიზიკურ შეურაცხყოფას აყენებს და სამედიცინო ტექნიკას აზიანებს.

„კანონით პენიტენციური სისტემა უფლებამოსილია პატიმარი განათავსოს ნებისმიერ საპატიმრო დაწესებულებაში, მათ შორის მისი ნების საწინააღმდეგოდ.

უკანონოდ ტყუილი პირველი - 30 მეტრი ციხემდე გაათრიეს.

სიმართლე- მანქანა გაჩერდა შესასვლელთან.

უკანონოდ ტყუილი მეორე - მიხეილ სააკაშვილი არის უკიდურესად მძიმე მდგომარეობაში სიმართლე - მიხეილ სააკაშვილი ვიზუალურად გამოიყურება ბევრად უფრო კარგად და მხნედ, ვიდრე მოშიმშილე ადამიანი.

უკანონოდ ტყუილი მესამე - მას უპირებდნენ რაღაც ნემსის გაკეთებას და მართლაც გაჰკრა ხელი ანალიზატორს.

სიმართლე - ის თავად ძალადობს ადამიანებზე და აყენებს მათ ფიზიკურ და სიტყვიერ შეურაცხყოფას.

უკანონოდ - ის შეგნებულად ამტვრევს ანალიზატორს. მას შეეძლო ყოველგვარი წინააღმდეგობის გაწევის გარეშე შესულიყო სამედიცინო მეთვალყურეობისთვის განკუთვნილ დაწესებულებაში, მაგრამ აქაც წინააღმდეგობის გაწევა და ადამიანების შეურაცხყოფა არჩია და, სამწუხაროდ, მოხდა მისი ამ ფორმით (იძულებით) შეყვანა.

ნიკა გვარამიას მოდელირებული „რეალობა“ - საზოგადოებაში შექმნას ნაწამები, თმითნათრევი, დაუძლურებული მიხეილ სააკაშვილის „ხატი“ მისაღებია მათთვის, ვინც მხოლოდ მათ ხედავს, მათ უსმენს და ეს დადგმული აზრობრივი სპექტაკლი მოსწონს.

სინამდვილეში კი უკვე მოგახსენეთ და გავრცელებული კადრებიდანაც ნახავდით რა და როგორაა“, - წერს მეგრელიშვილი.