logo_geo
eng_logo
სუს-ის კონტრტერორისტულმა ცენტრმა, ტერორისტული აქტის ჩადენის მუქარის ფაქტზე, ერთი პირი დააკავა
- +

30 ივლისი. 2016. 14:18


 

სახელმწიფო უსაფრთხოების სამსახურის კონტრტერორისტული ცენტრის თანამშრომლებმა ჩატარებული ოპერატიული და საგამოძიებო მოქმედებების შედეგად, ტერორისტული აქტის ჩადენის მუქარის ფაქტზე ახმეტის რაიონის სოფ. დუისში მცხოვრები, 1993 წელს დაბადებული ვახტანგ ხანგოშვილი დააკავეს. ამის შესახებ ინფორმაციას თავად უსაფრთხოების სამსახური ავრცელებს.

 

„გამოძიებამ დაადგინა, რომ დაკავებულმა 2016 წლის 29 ივლისს სოციალურ ქსელ „Facebook"-მომხმარებლის სახელით Dau Levski გაავრცელა მუქარის შემცველი ინფორმაცია.

 

აღნიშნულ ფაქტზე სუს-ის კონტრტერორისტულ ცენტრში დაუყონებლივ დაიწყო გამოძიება საქართველოს სსკ-ის 323-ე მუხლის I პრიმა ნაწილით და იმავე დღეს დადგინდა ინტერნეტ-სივრცეში გავრცელებული ტერორისტული აქტის ქმედების ჩადენის მუქარის ავტორი - ვახტანგ ხანგოშვილი.

 

ამავე დღეს განხორციელდა ვახტანგ ხანგოშვილის პირადი, ავტომანქანის და საცხოვრებელი მისამართის ჩხრეკა.

 

დაკითხვის პროცესში, დაკავებულმა აღიარა ჩადენილი დანაშაული, რის შემდეგაც იგი ბრალდებულის სახით დააკავეს. გამოძიება ტერორისტული აქტის ჩადენის მუქარის ფაქტზე მიმდინარეობს (საქართველოს სსკ-ის 323-ე მუხლის I პრიმა ნაწილით, რაც თავისუფლების აღკვეთას 6-დან 12 წლამდე ითვალისწინებს)", - ნათქვამია უსაფრთხოების სამსახურის განცხადებაში. 


 

right_banner right_banner
არქივი
right_banner