„როგორც წესი, მსოფლიოს უმრავლეს ქვეყანაში ადამიანები შიმშილობენ საპატიმრო დაწესებულებებში და შემთხვევების უმრავლესობა მოდის საპატიმრო დაწესებულებებზე, ალბათ 95%-ზე მეტი. აქედან გამომდინარე, მსოფლიო გამოცდილება გვაჩვენებს, რომ ყველაზე კარგი ექსპერტიზა შიმშილობისა და პოსტშიმშილობის მკურნალობისა და ადამიანის ჯანმრთელობის აღდგენისა, სწორედ ციხის საავადმყოფოებს აქვთ, რადგან ყველაზე მეტი გამოცდილება სწორედ მათ უგროვდებათ“, - ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ „ქრონიკაში“ განაცხადა.

„ის ადამიანები, რომლებიც სახალხო დამცველმა დაასახელა თავის კონსილიუმად, თუ მათ პოლიტიკურ პრეფერენციებს გადავხედავთ, ძალიან კარგად დავინახავთ, რომ მათი უდიდესი უმრავლესობა არის „ნაციონალური მოძრაობის“ მომხრეა და აქედან გამომიდინარე, მათი განცხადებები გასაკვირი არ არის“, - განაცხადა სამხარაძემ.