„ვეუბნებით {„ნაცმოძრაობას“}, ჩვენ სტრასბურგი მოვიგეთ, თქვენ კი ხელი მოაწერეთ დოკუმენტს, რომელიც {2008 წლის ომის დაწყებაში} საქართველოს ადანაშაულებს. თქვენ მტკიცებულებები გადამალეთ ისე, რომ ჩვენ მათ 3 წელი ვეძებდით“, - ამის შესახებ პარლამენტის პირველმა ვიცე-სპიკერმა გიორგი ვოლსკიმ გადაცემაში „იმედი LIVE“ განაცხადა.

„აი ამას რომ ვლაპარაკობთ და დოკუმენტურად ვასაბუთებთ, ნებისმიერ რამეს გააკეთებენ, რომ ყურადღება გადაიტანონ. მაგალითად, იტყვიან, რომ ფსიქიატრია საჭირო ან ვაშინგტონში, კონგრესში მიწერენ, რომ უღირსად მოექცნენ ადამიანს, რომელიც პრეზიდენტი იყო“, - განაცხადა ვოლსკიმ.