„ბოლო პერიოდში საკმაოდ ლიბერალური გახდა კანონმდებლობა ნარკომანიის მიმართულებით და ჩვენი ახალგაზრდები, ნაცვლად იმისა, რომ დასაქმდნენ სპორტით, სხვადასხვა საქმიანობით, ისწავლონ, იმუშავონ, არიან დაკავებული ამ მავნე ნივთიერებების მოხმარებით“, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

„ამიტომ უნდა გამკაცრდეს მათ შორის ფსიქოტროპული მედიკამენტების გაყიდვაც. ამის თაობაზე ჩვენ დამატებით საუბარი გვექნება მთავრობის სხდომაზე და მე პირადად გავაკონტროლებ პასუხისმგებლობის საკითხს“, - განაცხადა პრემიერმა.