საზოგადოებრივი მაუწყებლის ბორდის წევრი ბონდო მძინარაშვილი სოციალურ ქსელში სახალხო დამცველის შესახებ პოსტს აქვეყნებს.

„სახალხო დამცველი რომ საქართველოს მოქალაქეზე იტყვის,- სერიოზულ ფიგურად არ მიმაჩნიაო, - ის აღარ უნდა იყოს სახალხო დამცველი!

ის აღარ არის სახალხო დამცველი!

ასეთი სახალხო დამცველი იმ ერთი ადამიანის, - და მნიშვნელობა არ აქვს, ის ერთი ადამიანი მმართველი პარტიის თავმჯდომარეა თუ მწყემსი, - უფლებებს ვერ დაიცავს!

არ დაიცავს!

ასეთი სახალხო დამცველი ვერავის უფლებებს ვერ დაიცავს!

არ დაიცავს!

სახალხო დამცველს არჩევანის უფლება არ აქვს; მისთვის ნებისმიერი ადამიანი, - მის მიმართ კეთილად თუ კრიტიკულად განწყობილი, - პოტენციურად დასაცავია!

ნინო ლომჯარია არასოდეს დაიცავს ირაკლი კობახიძის უფლებებს!

ნინო ლომჯარია ვერავის უფლებებს ვერ დაიცავს!

ვეღარ დაიცავს!

ნინო ლომჯარიამ საკუთარი თავი თვითონ დააყენა სახალხო დამცველის ინსტიტუტის მიღმა!“ - წერს ბონდო მძინარაშვილი.