თბილისის ზოოპარკს კიდევ ახალი ბინადარი ჰყავს. რამდენიმე ხნის წინ ზოოპარკში ირმის ნუკრი დაიბადა. როგორც „სითი კვირას" თბილისის ზოოპარკში განუცხადეს, მათთვის ეს განსაკუთრებული მოვლენაა, რადგან თბილისის ზოოპარკი გერმანიის საერთაშორისო თანამშრომლობის საზოგადოებასთან ერთად (GIZ) კეთილშობილი ირმის აღდგენის პროექტშია ჩართული.
„ცოტა ხნის წინ კეთილშობილ ირმებს, ყვიყვსა და ლეილას გოგო შეეძინათ. ლამაზია და თვალებმაყვალა. ნავის ნიჩბებივით ფარფალა ყურები თითქოს დამატებით სიმსუბუქეს სძენს ისედაც მოხდენილსა და ნარნარას. დამოუკიდებელია, სულ დედას არ დასდევს კუდში. თავისთვისაა, წყნარია და მშვიდი. ერთი გრილი ადგილი აქვს ამოჩემებული ვოლიერში და დღის ცხელ მონაკვეთს ძირითადად იქ ატარებს", - აცხადებენ ზოოპარკში.
|
პარტნიორები ქარტია ფოტო არქივი |
ბმულები რეკლამა კონტაქტი |
!!! All rights reserved Property of Reportiori |
|
