მსჯავრდებული ექსპრეზიდენტის, მიხეილ სააკაშვილის განცხადებით, ე.წ. გირგვლიანის საქმე, რომელზეც იგი გასამართლებულია, სულაც არ არის გირგვლიანის შესახებ და ასე მხოლოდ პიარისთვის დაერქვა. ამის შესახებ ექსპრეზიდენტმა სასამართლო პროცესზე სიტყვით გამოსვლისას განაცხადა.

“მე ვარ გასამართლებული უკვე ორ საქმეზე, ერთი საქმე ეხება გაუგონარ რაღაცას. პრეზიდენტის მიერ შეწყალებას ე.წ. გირგვლიანის საქმეზე, რომელიც არანაირად გირგვლიანის საქმე არ არის და ასე დაარქვეს უბრალოდ პიარისთვის. ტრაგედია იყო გირგვლიანის სიკვდილი. ის ოფიცრები იყვნენ დაკავებული 2008 წლის ომის შემდეგ და მოხდა ამნისტია სამხედროების”, – განაცხადა სააკაშვილმა.