„საკუთარი დედისთვის ქვეყნის საგანმანათლებლო სისტემის ნაწილების უპრაგონოდ მჩუქებელი, საგანმანათლებლო სფეროში მეცენატობას და ქველმოქმედებას უწუნებ ივანიშვილს?“ - ამ სიტყვებით ეხმაურება ექსპერტი დავით ქართველიშვილი მიხეილ სააკაშვილის დღევანდელ სასამართლო პროცესს.

„ქმრების, შვილების, მამების ციხიდან გამოსაყვანი თანხის საშოვნელად, მილიონამდე მოქალაქე რომ გაუშვი იძულებით ემიგრაციაში სხვისი მოხუცების მოსავლელად - ამ თემას საშენოდ როგორ ეხები საერთოდ? უაზრო და ამჟამად, უფუნქციო შენობების (პრეზიდენტის სასახლე, ქუთაისის პარლამენტი) მშენებლობაზე მილიარდები რომ გაქვს დახარჯული - მოსახლეობის რა სოციალურ ზრუნვაზე გველაპარაკები? პუტინის ბრძანებით, ეროვნული უშიშროების აკადემია რომ გააუქმე - დღეს სახელმწიფო უსაფრთხოების სამსახურსაც მიადექი? 26 მაისს პოლიცია უკონტროლოდ მოქმედებდაო და ამით ვანოს რომ ძირავ უკვე მეორედ - პასტა/ფურცელი/ჩვენება! ფიზიოლოგიური ინსტინქტების დაკმაყოფილებაზე აგებული ავტოკრატიული სისტემის შემქმნელი - კოალიციურ მმართველობაზე ჩვენ გველაპარაკები? ადამიანის სიცოცხლის, ჯანმრთელობის, ფსიქიკის, ღირსების გამანადგურებელი, დაუნდობელი პოლიციური სისტემის ფუძემდებელი - არჩევით შერიფებზე ლექციებს გვიკითხავ, პოლიციისთვის ადამიანური ღირსების დამბრუნებელ ხელისუფლებას? საკუთარი დედისთვის ქვეყნის საგანმანათლებლო სისტემის ნაწილების უპრაგონოდ მჩუქებელი, საგანმანათლებლო სფეროში მეცენატობას და ქველმოქმედებას უწუნებ ივანიშვილს? ჩემს დროს პანდემიაც კი არ იყოო - ამის თქმას რაღა გიშლიდა?“ - წერს დავით ქართველიშვილი Facebook-ზე.